Almaty oblysynda jol apatynan 4 adam qaza tapty

QONAEV. KAZINFORM – Almaty-Bishkek tas jolyndaǵy apattan tórt adam mert boldy. 

Almaty oblystyq Polıtsııa departamentinen málim etkendeı, jol apaty 21 sáýir kúni Almaty-Bishkek avtojolynyń 86 shaqyrymynda boldy.

– Anyqtalǵandaı, Land Rover Range Rover kóliginiń 22 jastaǵy júrgizýshisi rýldi basqara almaı, aýdarylyp ketken. Jol apaty saldarynan júrgizýshi men eki jolaýshy oqıǵa ornynda kóz jumdy. Taǵy bir adam aýrýhanada qaıtys boldy, - dep habarlady Almaty oblystyq Polıtsııa departamentinen.

Bul fakt boıynsha polıtsııa qyzmetkerleri sotqa deıingi tergeýdi bastady.

Buǵan deıin Batys Qazaqstan oblysynda jol-kólik oqıǵasynan eki jasóspirim qaza tapqany týraly jazǵan edik.

Pavlodar oblysynda da jol apatynan 4 adam qaza tapty.