Almaty oblysynda jol apatynan 3 myń adam jylýsyz qaldy

QONAEV. KAZINFORM - Almaty oblysynda jol-kólik oqıǵasy saldarynan gaz qubyry zaqymdandy.

Almaty oblysy Polıtsııa departamentiniń málimetinshe, 22 qańtarda Audi júrgizýshisi «19 shaqyrym – Jambyl» avtojolynyń 10 shaqyrymynda kele jatyp, qarsy qozǵalys jolaǵyna shyǵyp, Toyota Camry avtokóligimen soqtyǵysqan. Toyota Camry kóligi soqqy ınertsııasynan jol shetindegi gaz qubyryna soǵylyp, ony zaqymdaǵan. Jol apaty saldarynan qaza tapqandar men zardap shekkender joq, alaıda 3 myńǵa jýyq adam jylýsyz qaldy.

- Jambyl aýylynda jol apaty bolyp, nátıjesinde ortasha qysymdy gaz qubyry zaqymdandy. Osyǵan baılanysty Jambyl aýylyn, Ulan aýylynyń bir bóligin jáne 19 km aýmaǵyn gazben jabdyqtaý toqtatylǵan bolatyn. Oqıǵa ornynda «AlmatyGazservısHoldıng» JShS mamandary qalpyna keltirý jumystaryn júrgizdi. Endi gaz 3000 abonentke birtindep berile bastaıdy, - dep habarlady Qarasaı aýdanynyń ákimdigi.

Eske salaıyq, buǵan deıin Almatyda jeke tulǵalardyń is-áreketinen jerasty gaz qubyry zaqymdanyp, 10 myńǵa jýyq páter men úı gazsyz qalǵanyn jazǵanbyz.