Almaty oblysynda jol apatynan 3 adam qaza tapty
QONAEV. KAZINFORM – Almaty oblysynda jol apatynan úsh adam kóz jumdy. Jantúrshigerlik oqıǵanyń vıdeosy áleýmettik jelide tarady.
Almaty oblystyq polıtsııa departamentiniń málimetinshe, úsh adamnyń ómirin qıǵan apat 8 mamyr kúni Almaty-Kókpek-Kóktal avtojolynyń 41 shaqyrymynda boldy.
«Mitsubishi Lancer júrgizýshisi rýlge ıe bolmaı, qarsy qozǵalys jolaǵyna shyǵyp, Nissan Cefiro kóligimen soqtyǵysqan. Al, ınertsııa boıynsha Nissan Cefiro joldyń shetinde turǵan Mitsubishi Pajero Sport pen BMW X5 kólikterine soǵyldy. Oqıǵa ornynda Nissan Cefiro júrgizýshisi, Mitsubishi Lancer júrgizýshisi jáne onyń jolaýshysy qaza tapty», - dep habaralady vedomstvodan.
Jol apaty faktisi boıynsha qajetti saraptamalar taǵaıyndalyp, qylmystyq is qozǵaldy.
Óńir polıtsııasy barlyq júrgizýshilerdi jyldamdyqty asyrmaýǵa, jol qaýipsizdigi talaptaryn múltiksiz saqtaýǵa jáne QR Jol qozǵalysy erejelerin buzbaýǵa shaqyrady.
