Almaty oblysynda jol apatynan 2 adam jaraqat alyp, 1 adam mert boldy

QONAEV. KAZINFORM - Almaty oblysy Jambyl aýdanynda adam ólimine ákelgen jol-kólik oqıǵasy boldy.

Oblystyq polıtsııa departamentiniń málimetine sáıkes, 30 qarashada «Mercedes Benz 280» júrgizýshisi Almaty-Besmoınaq avtojolynyń 77 shaqyrymynda kele jatyp, qarsy qozǵalys jolaǵyna shyǵyp ketedi. Nátıjesinde ol «Ford Focu»s avtokóligimen soqtyǵysqan jáne ınertsııamen «VAZ-2114» kóligine soǵylǵan.

Jol apatynyń saldarynan «Ford Focus» júrgizýshisi oqıǵa ornynda kóz jumdy. Túrli jaraqattarymen eki jolaýshy aýdandyq aýrýhanaǵa jatqyzyldy.

- Jol-kólik oqıǵasy boıynsha sotqa deıingi tergeý júrgizilip jatyr. Óńir polıtsııasy barlyq júrgizýshilerdi ruqsat etilgen jyldamdyq rejımin qatań saqtaýǵa jáne QR Jol erejelerin buzbaýǵa shaqyrady, - dep habarlady oblystyq PD baspasóz qyzmeti.

Eske salaıyq, buǵan deıin Almaty oblysynyń joldarynda jańa «Suńqar» kameralary paıda bolǵanyn jazǵanbyz.