Almaty oblysynda joǵarǵy voltty 10 stantsııa salynady

ALMATY. KAZINFORM – Óńirlik kommýnıkatsııalar qyzmetiniń alańyndaǵy baspasóz máslıhatynda Almaty oblysynda «Tarıfti ınvestıtsııaǵa aıyrbastaý» jobasynyń jospary tanystyryldy.

Qazirgi kezde Almaty oblysynda elektr berý jelileriniń uzyndyǵy 22,1 myń km bolsa, onyń 70%-ǵa jýyǵynyń tozyǵy jetken.

Oblystyq energetıka jáne turǵyn-úı kommýnaldyq sharýashylyq basshysynyń orynbasary Rakesh Baıjumatovtyń aıtýynsha, jelilerdi jóndeýdiń birden-bir joly – tarıf qunyn ósirý. Ol «tarıfti ınvestıtsııaǵa aıyrbastaý» jobasyn iske asyrý negizinde Almaty oblysynda qytaılyq TBEA kompanııasymen memlekettik-jekeshelik áriptestik arqyly 10 jańa joǵary voltty qosalqy stantsııa salynatynyn aıtty. Joba quny 100 mlrd. teńge bolmaq. 

Eske salaıyq, buǵan deıin Almaty oblysynda shomylýǵa ruqsat etilgen 103 demalys orny bar ekenin jazǵan edik.