Almaty oblysynda joǵalǵan úsh balyqshy aman-esen tabyldy
ASTANA. KAZINFORM – Almaty oblysynda birneshe kúnnen beri izdestirilgen úsh balyqshy aman-esen tabyldy, dep habarlaıdy Tótenshe jaǵdaılar mınıstrligi.
Vedomstvonyń málimetinshe, 112 pýltine er adamdardyń biriniń jubaıy habarlasyp, olardyń 1 shilde kúni Bartoǵaı – Assy ústirti – Túrgen baǵytymen balyq aýlaýǵa ketkenin, sodan beri baılanysqa shyqpaǵanyn jáne belgilengen ýaqytta oralmaǵanyn jetkizgen.
Іzdestirý-qutqarý jumystaryna TJM kúshteri men quraldary, jedel-qutqarý jasaǵynyń qyzmetkerleri, «Barys» respýblıkalyq jedel-qutqarý jasaǵynyń mamandary, kınologııalyq eseptop jáne ushqyshsyz ushý apparaty jumyldyryldy.
- Іzdestirý barysynda er adamdar Assy shatqaly jaǵynan avtokólikpen ózdiginen shyqqany anyqtaldy. Olarǵa medıtsınalyq kómek qajet bolmaǵan, - delingen aqparatta.
Aıta keteıik, Astanada joǵalǵan adamdardy izdeýge drondar qoldanylyp jatyr.
