Almaty oblysynda jylyna 3,5 myń tonna et óndiretin kombınat salynyp jatyr
ALMATY. KAZINFORM – Kegen aýdanynyń Tasashy aýylynda et óńdeý zaýytyn salý boıynsha ınvestıtsııalyq joba júzege asyrylyp jatyr. Jobanyń quny — 2,5 mlrd teńge. Bul týraly QR AShM baspasóz qyzmeti málim etti.
Zaýyt iri jáne usaq maldyń, sondaı-aq jylqy etin óńdeıdi, Almaty oblysynyń turǵyndaryn joǵary sapaly et, shujyq jáne konservilengen ónimdermen qamtamasyz etedi.
Joba 2024 jyldyń jeltoqsanynda paıdalanýǵa beriledi. Zaýyttyń óndiristik qýaty bir aýysymda 40 bas iri qara, 150 bas usaq mal jáne 10 jylqyny soıýǵa eseptelgen.
Shujyq tsehynyń qýaty bir aýysymda 1,5 tonna shujyq ónimderin, konservi zaýytynyń qýaty 1 000 banka ónim shyǵarýǵa eseptelgen.
Tolyq qýatyna shyqqannan keıin et kombınaty jylyna 3 myń tonnaǵa deıin et óńdeıdi jáne 331,5 tonna shujyq ónimderin, 66 tonna et konservisin shyǵarady.
Kegen jáne Raıymbek aýdandarynyń turǵyndarynan mal naryqtyq baǵamen satyp alynady, et kombınatyn óz shıkizatymen úzdiksiz qamtamasyz etý úshin ózdiginen azyqtandyrý alańdaryn ashý josparlanyp otyr.
Joba aımaqtaǵy mal sharýashylyǵy salasynyń damýyn yntalandyrýǵa jáne sapaly jáne arzan et ónimderine qol jetimdilikti qamtamasyz etý arqyly turǵyndardyń áleýmettik-ekonomıkalyq jaǵdaıyn aıtarlyqtaı jaqsartýǵa baǵyttalǵan.
