Almaty oblysynda jyl sońyna deıin Kóshpendiler qalashyǵyna jol ashylady

QONAEV. KAZINFORM — Almaty oblysynda týrıstik aımaqtarǵa jańa joldar salynyp jatyr.

Jyl basynda Kóshpendiler qalashyǵyna jol salý úshin jobalyq-smetalyq qujattama ázirlenip, memlekettik saraptamaǵa jiberilgenin jazǵanbyz.

Búgingi kúni jol qurylysy qandaı satyda ekenin anyqtaý úshin jaýapty vedomstovoǵa saýal joldadyq. Almaty oblysy jolaýshy kóligi jáne avtomobıl joldary basqarmasynyń jaýabyna sáıkes, qazir Kóshpendiler qalashyǵyna aparatyn avtojoldyń qurylysy júrip jatyr. Jumystar shamamen 30%-y oryndalǵan.

— Qurylys jumystaryn osy jyldyń sońyna deıin aıaqtaý josparlanǵan. Uzyndyǵy 6,9 shaqyrym bolatyn jol ýchaskesin paıdalanýǵa berý kózdelip otyr, — dep habarlady basqarmadan.

Eske salaıyq, Kóshpendiler qalashyǵy — 2005 jyly kórermenge jol tartqan «Kóshpendiler» fılmin túsirý úshin arnaıy salynǵan. Qalashyq Іle ózeniniń jaǵasynda, Qapshaǵaı qalasynan 30 shaqyrymdaı jerde ornalasqan.

Buǵan deıin Almaty oblystaǵy týrıstik oryndardyń biri — Qaıyńdy kóline aparatyn jol salynatynan jazǵanbyz. Joldyń qurylysy 2,5 mlrd teńgege baǵalanyp otyr.