Almaty oblysynda jyl basynan beri 10 esirtki zerthanasy joıyldy
QONAEV. KAZINFORM – Jyl basynan beri Almaty oblysynyń polıtseıleri esirtkige qatysty 104 quqyq buzýshylyqty anyqtaǵan. Bul týraly ÓKQ brıfınginde oblystyq Esirtki qylmysyna qarsy is-qımyl basqarmasynyń bastyǵy Ardaq Qaısarov aıtty.
– Qazaqstan Respýblıkasynda nashaqorlyqqa jáne esirtki bıznesine qarsy kúres jónindegi 2023-2025 jyldarǵa arnalǵan keshendi jospar sheńberinde biz jastar arasynda nashaqorlyq pen esirtki qylmysynyń aldyn alý boıynsha turaqty negizde jumys júrgizemiz. Jyl basynan beri esirtkige qarsy baǵyttaǵy 265 profılaktıkalyq is-shara ótkizildi. 26 mamyrdan 26 maýsymǵa deıin sozylǵan esirtkige qarsy aıdy ótkizý kezeńinde ǵana «Esirtkisiz bolashaq» aıasynda 70 is-shara ótkizildi, - dedi Ardaq Qaısarov.
Sonymen qatar polıtsııa ókili jyl basynan beri esirtkige qatysty 104 quqyq buzýshylyq anyqtalǵanyn atap ótti. Onyń ishinde 27 derek esirtki zattaryn satý, 23 derek asa iri mólsherdegi esirtki zattarynyń saqtaý, 46 derek esirtkiniń sıntetıkalyq túrleriniń zańsyz aınalymyna baılanysty.
Jyl basynan beri oblys aýmaǵynda 10 zerthana joıylyp, zańsyz aınalymnan 13 tonnaǵa jýyq esirtki zattary tárkilengen.
