Almaty oblysynda jeti jasóspirim 7-synyp oqýshysyn zorlady degen kúdikke ilindi
ALMATY. KAZINFORM – Bala quqyqtary jónindegi ýákil Dınara Zákıeva Almaty oblysynda 7-synyp oqýshysyna qatysty seksýaldyq sıpattaǵy zorlyq deregi boıynsha túsinik berdi.
Onyń aıtýynsha, kúdikti retinde jeti kámeletke tolmaǵan jasóspirim anyqtalǵan.
– Almaty oblysynda kámeletke tolmaǵan qyzǵa qatysty zorlyq áreketteri boıynsha túsip jatqan suraqtarǵa baılanysty mynany habarlaımyn: jeti jasóspirim anyqtaldy. Qazir tergeý júrip jatyr, - dedi ol.
Zákıeva sondaı-aq Bala quqyqtary jónindegi óńirlik ýákil jáne psıhologııalyq qoldaý ortalyǵynyń mamandary dúısenbiden bastap oqıǵa ornynda jumys istep jatqanyn atap ótti.
Eske salaıyq, buǵan deıin Almaty oblysy Jambyl aýdanyna qarasty Qarǵaly aýylynda kámeletke tolmaǵan qyzdy birneshe adam zorlady degen habar taraǵan edi.
Jelide taraǵan vıdeoda áıel men birneshe ata-ana mektepke kelip, 7-synypta oqıtyn jetim qyzdyń zorlyq kórgenin jáne muny basshylyqtyń jasyrýǵa tyrysqanyn aıtty.
Jambyl aýdandyq bilim bóliminiń málimetinshe, oqıǵa 2025 jylǵy 21 qyrkúıekte, jeksenbi kúni mektep aýmaǵynan tys, úıde bolǵan.
Mektep dırektory bul jaǵdaı týraly 13 qazanda bilip, dereý quqyq qorǵaý organdaryna habar bergen.