Almaty oblysynda jer ýchaskeleriniń maqsatyn ózgertkeni úshin 1,5 mlrd teńge tólemegender anyqtaldy

QONAEV. KAZINFORM - Almaty oblysynyń prokýratýrasy jer ýchaskeleriniń maqsatyn ózgertkeni úshin jer paıdalanýshylardyń 1,5 mlrd teńge tólemeý derekterin anyqtady.

Vedomstvodan málim etkendeı, zańǵa sáıkes, mundaı áreketterdi jasaǵan kezde jer ýchaskesiniń ıesi jer ýchaskesiniń kadastrlyq qunyn tóleýge mindetti. Oblys boıynsha osyndaı 100-den astam jer ıesi anyqtaldy.

Oblys prokýratýrasy qabyldaǵan sharalar boıynsha búgingi kúni bıýdjetke 236 mln teńge qaıtaryldy, qalǵan soma óndirilip jatyr. Budan bólek, 2024 jyly 2,5 mlrd teńge turatyn, aýmaǵy 12,5 myń ga paıdalanylmaǵan jer 155 ýchaskeleri memleket menshigine qaıtaryldy.

«Mysaly, 2020 jyly Qonaev qalasynda bir kásiporynǵa gıdroelektrostantsııa salý úshin aýmaǵy 500 ga 5 jer ýchaskesi berildi. Alaıda qurylys osy kúnge deıin bastalmaǵan. Іle aýdanynda «Solid Cristal» JShS-ǵa 339 mln teńge turatyn 38 ga ýchaske alǵan, ol alty jyldan astam ýaqyt boıy paıdalanylmaǵan. Oblys prokýratýrasynyń sharalarymen bul ýchaskeler memlekettik menshikke qaıtaryldy», - dep atap ótti prokýratýradan.

Qazir 1 mln gektarǵa jýyq paıdalanylmaǵan jerdi qaıtarý jumystary júrip jatyr.