Almaty oblysynda jer silkinisi tirkeldi

ALMATY. KAZINFORM – 8 sáýirde Astana ýaqytymen saǵat 22:55-te QR Tótenshe jaǵdaılar mınıstrliginiń «Seısmologııalyq zertteý jáne aqparat ulttyq ǵylymı ortalyǵy» JShS seısmıkalyq stantsııalar jelisi arqyly jer silkinisi tirkeldi.

Jer silkinisiniń epıtsentri Almaty qalasynan 117 shaqyrym soltústik-batysqa qaraı Qazaqstan aýmaǵynda, Almaty oblysy Іle aýdanynda ornalasqan.

Sezilýi týraly málimetke sáıkes, Almaty oblysynyń Kúrti aýylynda 2 ball shamasynda baıqalǵan.

Qazirgi ýaqytta zardap shekkender men qıraýlar týraly aqparat túsken joq.

Osyǵan baılanysty mamandar jer silkinisi kezinde saqtalýy tıis qarapaıym qaýipsizdik sharalaryn eske salady.

Jer silkinisi kezindegi 10 qarapaıym qadam:

– Jer dúmpýi kezinde úreıge boı aldyrmańyz;
– Lıft pen baspaldaqty paıdalanbańyz;
– Jıhazdan, terezeden alys turyńyz;
– Qaýipsiz oryn tabyńyz, joǵarǵy qabattarda negizgi tirek qabyrǵalardyń buryshyna jasyrynǵan durys;
– Tómengi qabatta bolsańyz, ǵımarattan shyǵyńyz, al kópqabatty úılerde jer silkinisi aıaqtalǵannan keıin ǵana syrtqa shyǵyńyz;
– Múmkindik bolsa, sý, gaz jáne elektr qýatyn óshirińiz;
– Aldyn ala daıyndalǵan dabyl sómkesin ózińizben alyńyz;
– Elektr jelilerinen, ǵımarattar men aǵashtardan aýlaq bolyńyz;
– Qaıtalama dúmpýlerge daıyn bolyńyz;
– Qarttarǵa, balalarǵa jáne múmkindigi shekteýli adamdarǵa kómek kórsetińiz.

Aıta keteıik, kúndiz Kaspıı teńizinde jer silkingeni habarlanǵan bolatyn.