Almaty oblysynda jer qoınaýyn zańsyz qazǵandarǵa is qozǵaldy
QONAEV. KAZINFORM — Eńbekshiqazaq aýdanynyń prokýratýrasy jer qoınaýyn zańsyz paıdalaný derekteriniń jolyn kesýge baǵyttalǵan reıd ótkizdi.
Almaty oblysy prokýratýrasynyń málimetinshe, reıd barysynda arnaıy tehnıkany qoldaný arqyly paıdaly qazbalardy zańsyz óndirý derekteri anyqtaldy. Tekserý nátıjesi boıynsha birneshe qylmystyq is qozǵalyp, arnaıy aıyp turaǵyna 10-nan astam tehnıka, sonyń ishinde paıdaly qazbalardy zańsyz óndirýge tikeleı qatysy bar 2 ekskavator qoıyldy.
— Jer qoınaýyn zańsyz paıdalaný ákimshilik jáne qylmystyq jaýapkershilikke ákep soǵady. Bul baǵyttaǵy jumystar júıeli jáne turaqty negizde jalǵasatyn bolady, — dep habarlady prokýratýradan.
Eske salaıyq, buǵan deıin ShQO-da paıdaly qazbalardy zańsyz óndirýmen aınalysqan sheteldik elden shyǵaryldy.