Almaty oblysynda jedel járdem qyzmetkerleri áıeldi úıinde bosandyryp aldy

QONAEV. KAZINFORM - Jedel járdem brıgadasynyń feldsheri Qarasaı aýdanynyń Іrgeli aýylynyń turǵynyn úı jaǵdaıynda bosandyryp aldy.

Almaty oblystyq jedel járdem stantsııasynyń málimetinshe, shaqyrtýǵa jedel járdem kóligi 20 mınýtta jetken. Alaıda áıeldiń tolǵaǵy 2 saǵat buryn bastalǵan. Sondyqtan júktiliktiń 39-40-shy aptasynadaǵy áıeldi úıinde bosandyryp alýǵa májbúr boldy. Shuǵyl shaqyrý ornyna 19/23 brıgada feldsheri Maqpal Qunafına men qosalqy feldsher Bahytgúl Rysmendıeva barǵan.

«Kele salyp naýqasqa jedel medıtsınalyq járdem kórsettik. Shaqyrtý túsken kezde dıspetcher tolyq málimetti bergen bolatyn. Ýaqytty sozbaı birden bosandaryp alýǵa kóshtik» - deıdi, 19/23 brıgada feldsheri Maqpal Qunafına.

Jedel medıtsınalyq kómektiń arqasynda 19/23 brıgadasy áıeldi aman-esen bosandyryp, Qaskeleń aýdandyq aýrýhanasyna jetkizdi. Qazirgi ýaqytta ana men náreste din aman.

Aıta keteıik, Almaty oblysynyń halyq sany 1 mln 582myń 52 adam. Sońǵy 6 aıdyń ishinde oblystyq jedel járdem qyzmetkerleri 327 566 shaqyrtýǵa qyzmet kórsetti.