Almaty oblysynda jastardyń qatysýymen tarıhı eskertkishter aýmaǵyn abattandyrý aktsııasy ótti
QONAEV. KAZINFORM - Jambyl aýdanynda jastardyń qatysýymen tarıhı eskertkishter aýmaǵy abattandyryldy, dep habarlaıdy Jambyl aýdanynyń ákimdigi.
2026 jylǵy 11 tamyzda Jambyl aýdanynyń Uzynaǵash aýylynda respýblıkalyq «Taza Qazaqstan» baǵdarlamasy aıasynda Suranshy batyr men Saýryq batyr eskertkishteriniń aýmaǵyn tazalaý jáne abattandyrý boıynsha aktsııa ótti.
Іs-sharaǵa jastar, eriktiler, memlekettik mekemelerdiń qyzmetkerleri jáne aýdan turǵyndarynan quralǵan 150-ge jýyq adam qatysty.
Aktsııa barysynda qatysýshylar eskertkishter aýmaǵyn turmystyq qaldyqtardan tazartyp, shóp shabý jáne abattandyrý jumystaryn júrgizdi. Jastardyń belsendi qatysýy týǵan jerdiń tazalyǵyn saqtaýǵa jáne tarıhı-mádenı mura nysandaryna uqypty qaraýǵa baǵyttaldy.
Sonymen qatar jastar arasynda tarıhı-mádenı murany saqtaý, ulttyq qundylyqtardy dáripteý jáne tarıhı tulǵalardyń el tarıhyndaǵy rólin nasıhattaýǵa baǵyttalǵan aqparattyq-túsindirý jumystary júrgizildi. Qatysýshylarǵa Suranshy batyr men Saýryq batyrdyń erlik joly, el qorǵaýdaǵy tarıhı orny jáne olardyń ónegesiniń keıingi urpaq úshin mańyzy týraly aqparat berildi.
Atalǵan aktsııa jastardyń qoǵamdyq belsendiligin arttyryp, tarıhı eskertkishterdi saqtaýǵa degen jaýapkershiligin qalyptastyrýǵa jáne týǵan ólkeniń tarıhı murasyna degen qurmetti nyǵaıtýǵa yqpal etti.
Іs-shara barysynda urpaqtar sabaqtastyǵyna, tarıhı jadty saqtaýǵa jáne aǵa býynnyń ónegesin jas urpaqqa jetkizýge erekshe mán berildi.
