Almaty oblysynda jasóspirimdi jaraqattaǵan kúdikti izdestirilip jatyr

QONAEV. KAZINFORM – Almaty oblysynda jasópirim qurdasyna belgisiz quralmen jaraqat salǵan.

Almaty oblysynyń polıtsııa departamenti atalǵan derek boıynsha qylmystyq is qozǵady. Qazir sotqa deıingi tergeý júrgizilip jatyr.

– Qazirgi ýaqytta kúdiktiniń ornalasqan jerin anyqtaý boıynsha izdestirý is-sharalary júrgizilýde. Polıtsııa bolǵan oqıǵanyń barlyq mán-jaıyn jan-jaqty jáne obektıvti anyqtaýǵa baǵyttalǵan tergeý jáne jedel is-qımyldar keshenin júzege asyrady. Kináli adam zańǵa sáıkes jaýapqa tartylady, - dep habarlady departamentten. 

Eske salaıyq, buǵan deıin Almaty oblysynda oqýshy synyptasyn óltirdi degen kúdikke ilingenin jazǵanbyz.