Almaty oblysynda jasóspirim álimjettik jasaǵan - polıtsııa tekserip jatyr
QONAEV. KAZINFORM - Oqıǵa Almaty oblysy Іle aýdanynda bolǵan.
Áleýmettik jelide jasóspirimniń bir top balany turǵyzyp qoıyp, uryp jatqan beınejazbasy tarady.
Almaty oblysy Polıtsııa departamentiniń málimetinshe, oqıǵa 2024 jyldyń qyrkúıek aıynda Іle aýdany Qaraoı aýylynda bolǵan. Atalǵan derek boıynsha polıtsııaǵa azamattardan aryz-shaǵym túspegen.
- Qazir kámeletke tolmaǵan balaǵa dene jaraqatyn keltirý faktisi boıynsha is tirkelip, sotqa deıingi tergeý amaldary júrgizilip jatyr. Balalardy tárbıeleý jónindegi mindetterin tıisinshe oryndamaǵany úshin quqyq buzýshy jasóspirimniń jáne oqıǵany beınetaspaǵa túsirgen mektep oqýshysynyń zańdy ókilderi ákimshilik jaýapkershilikke tartyldy. Atalǵan jasóspirimder profılaktıkalyq esepke qoıyldy, - dep habarlady polıtsııadan.
Sonymen qatar kámeletke tolmaǵandar isteri jónindegi komıssııaǵa qosymsha yqpal etý sharalaryn qabyldaý týraly usynys engizilgen.
Beınejazba boıynsha Almaty oblysy Bilim basqarmasynyń tárbıe jumysy, qorǵanshylyq, qamqorshylyq jáne arnaıy bilim berý bóliminiń basshysy Aıjan Іzbasar túsinikteme berdi. Onyń sózinshe, quqyq buzýshylyq jasaǵan oqýshy 2025 jyldyń naýryz aıynda basqa oblystyń mektebine aýysqan.
- Tárbıelik jumysty tıisti deńgeıde uıymdastyrmaǵan jáne joǵary turǵan organdarǵa ýaqytyly habardar etpegen laýazymdy tulǵalardyń jaýapkershiligi qaralatyn bolady, - dedi ol.
Eske salaıyq, buǵan deıin qyzmettik kólikpen 17 jastaǵy qyzdy Almatyǵa jetkizbek bolǵan polıtseıler jumystan qýylǵanyn jazǵanbyz.