Almaty oblysynda jas qyzdyń ólimine kúdikti 20 jastaǵy jigit ustaldy

QONAEV. KAZINFORM — Almaty oblysynyń polıtsııa departamenti adam óltirý faktisi boıynsha qylmystyq is qozǵady.

Áleýmettik jelide Qaskeleń qalasynda jas qyzdyń kisi qolynan qaza tapqany týraly málimet tarady. Polıtsııa bul derekti rastap, jedel-izdestirý sharalary barysynda 20 jastaǵy kúdikti ustalǵanyn habarlady. Ol óz kinásin moıyndaǵan.

— Qazirgi ýaqytta is boıynsha bolǵan jaǵdaıdyń barlyq mán-jaıyn jan-jaqty, tolyq jáne obektıvti anyqtaýǵa baǵyttalǵan qajetti tergeý is-qımyldary júrgizilip jatyr. Kúdikti ýaqytsha ustaý ızolıatoryna qamaldy. Qazaqstan Respýblıkasynyń Qylmystyq-protsestik kodeksiniń 201-babyna sáıkes, tergeý múddesine baılanysty ózge aqparat jarııa etilmeıdi, — dep habarlady departamentten.

Eske salaıyq, buǵan deıin Almaty oblysynda jeti jasóspirim 7-synyp oqýshysyn zorlady degen kúdikke ilingenin jazǵanbyz.