Almaty oblysynda jarty saǵatta joldy ashýǵa múmkindik beretin asfalt tóseldi

QONAEV. KAZINFORM – Almaty oblysynda jańa joly jabyny tekserilip jatyr.

QazAvtojol Almaty oblystyq fılıalynyń málimetinshe, «Almaty – Shelek – Horgos» avtojolynyń 31–32 shaqyrymynda eksperımenttik jol jabyndysy salyndy.

– Onyń ereksheligi juqalyǵy 1,2-1,5 sm, óte tózimdi. Sondaı-aq jabyndy tóselgennen keıin nebári 30 mınýttan soń jol qozǵalysyn qaıta ashýǵa múmkindik bolady. Joba oblys ákimdigi, «Qazavtojol» UK» AQ jáne qytaılyq kompanııanyń birlesken jumysy nátıjesinde júzege asyryldy, - dep habarlady kompanııadan.

Eske salaıyq, buǵan deıin «Almaty-Bishkek» avtomobıl jolynyń 19-27 km (Qaskeleń — Úlken Almaty avtomobıl aınalma joly) ýchaskesin kúrdeli jóndeý, jobalaý-izdestirý jumystary júrgizilip jatqanyn jazǵanbyz. Joba aıasynda qozǵalys jolaqtaryn 4-ten 8-ge deıin keńeıtý, «taǵa» tıpti eki kólik aıryqtary, sondaı-aq jerústi jaıaý júrginshiler ótkeli qurylysy qarastyrylǵan.