Almaty oblysynda jaryq óship, aýyl turǵyndary joldy japqan

14 jeltoqsan kúni keshke Almaty oblysy Aşybulaq aýyl okrýgine qarasty Kókqaınar aýylynda apatty jaǵdaıda elektr qýaty óship, 3500-ge jýyq adam jaryqsyz qaldy, dep habarlaıdy Kazinform.

Áleýmettik jelilerde atalǵan aýyl turǵyndary gaz, jaryq jáne jylý óship qalǵandyqtan joldy jaýyp tastaǵany týraly aqparat tarady. 

Іle aýdany ákimdiginiń málimetinshe, aýdan basshysy Baǵdat Qarasaev jáne basqa da ýákiletti organ ókilderi turǵyndarǵa túsindirý jumysyn júrgizgen.

«Oqıǵa ornynda jedel brıgada jumys istedi. Túngi saǵat 23:00-de elektr qýaty qalpyna keltirildi. Jaǵdaı turaqtaldy»,- dep habarlady aýdandyq ákimdikten.