Almaty oblysynda janjal barysynda oq atyldy
QONAEV. KAZINFORM – Almaty oblysynda bir top adam arasynda janjal bolyp, arty tóbeleske ulasqan.
Oqıǵanyń beınejazbasy áleýmettik jelide tarady. Onda bir top adamnyń arasynda janjal shyqqanyn jáne olardyń arasynda polıtsııa qyzmetkeriniń aspanǵa eki ret oq atqanyn kórýge bolady.
Almaty oblysy polıtsııa departamentiniń málimetinshe, beınejazbadaǵy oqıǵa 2026 jyldyń 28 naýryzynda Eńbekshiqazaq aýdanynda bolǵan.
- Atalǵan derek boıynsha buzaqylyq jáne polıtsııa qyzmetkerlerine qarsylyq kórsetý faktileri boıynsha eki qylmystyq is tirkeldi. Jeti adam kúdikti retinde tanyldy. Oqıǵaǵa qatysy bar barlyq tulǵalar anyqtalyp, ýaqytsha ustaý ızolıatoryna qamaldy, - dep habarlady departamentten.
Sonymen qatar óńir polıtsııasy aýaǵa atylǵan oq eskertý sıpatynda bolǵanyn jáne qoǵamdyq tártiptiń buzylýyna jol bermeý maqsatynda polıtsııa qyzmetkerleri tarapynan júzege asyrylǵanyn atap ótti.
Tergep-tekserý barysy erekshe baqylaýǵa alynǵan.
Eske salaıyq, buǵan deıin Aqtóbede polıtseı qyzmettik qarýdan oq atyp, bir adam aýrýhanaǵa tústi.