Almaty oblysynda jańa úlgidegi jol jabyndysy synalyp jatyr

ASTANA. KAZINFORM – Almaty oblysynda «Almaty – Shelek – Qorǵas» avtojolynyń 31-32 shaqyrymynda jańa tehnologııa boıynsha eksperımenttik jol jabyndysy tóseldi.

Jol jabyndysynyń basty ereksheligi – qalyńdyǵy nebári 1,2-1,5 santımetr bola tura, onyń tózimdiligi men beriktigi joǵary. Sonymen qatar, jańa materıaldy tósegennen keıin 30 mınýt ishinde jol qozǵalysyn qaıta ashýǵa múmkindik bar.

Joba «QazAvtoJol» ulttyq kompanııasy, Almaty oblysy ákimdigi jáne Qytaıdyń Huayun Tongda Technology Group Co., Ltd kompanııasynyń birlesken jumysy nátıjesinde iske asyryldy.

Mamandardyń aıtýynsha, bul tehnologııa jol qurylysyna ketetin ýaqyt pen shyǵyndy azaıtyp, eldegi kólik ınfraqurylymynyń sapasyn arttyrýǵa sep bolmaq.

«Eksperımenttik jabynnyń alǵashqy nátıjeleri oń baǵalanyp otyr. Eger tıimdiligi dáleldense, bul tásil basqa óńirlerde de qoldanysqa engiziledi», – dep atap ótti jobanyń ınjenerlik toby.

Jańa úlgidegi jabyn klımattyq jaǵdaılarǵa tózimdiligimen jáne uzaq merzimdiligimen erekshelenedi.

Sarapshylardyń pikirinshe, mundaı tehnologııany keńinen engizý Qazaqstan joldarynyń sapasyn jańa deńgeıge kótermek.

Aıta keteıik, elordada jańa jol ýchaskeleri ashylyp jatyr.