Almaty oblysynda jańa oqý jylynda 350 myńnan astam bala bilim alady
QONAEV. KAZINFORM – Almaty oblysynda jańa oqý jylynda 350 myńnan astam oqýshy bilim alady. Bul týraly óńirlik kommýnıkatsııalar qyzmetiniń alańynda Almaty oblysy Bilim basqarmasynyń basshysy Saltanat Daýyspekqyzy aıtty.
– 2024-2025 oqý jylynda óńirde 1 747 bilim berý mekemesi jumys isteıdi. Olardyń ishinde 473 jalpy bilim beretin mektep, 1 161 mektepke deıingi mekeme, 40 kolledj jáne 33 qosymsha bilim berý uıymy. Jańa oqý jylynda 351 796 oqýshy bilim alady, bul ótken jylmen salystyrǵanda 26%-ǵa artyq, - dedi Saltanat Daýyspekqyzy.
Sonymen qatar basqarma basshysynyń aıtýynsha, qazirgi ýaqytta 22 bilim berý nysanynda kúrdeli jóndeý jumystary júrgizilip jatyr. Al qalǵan mektepterde beınebaqylaý júıeleri, dabyl túımeleri jáne týrnıketter ornatylyp, 117 mektep polıtsııanyń jedel dıspetcherlik pýnktterine qosylǵan.
Eske salaıyq, buǵan deıin Almaty oblysynda jer silkinisinen qabyrǵalary jarylǵan mekteptiń oqýshylary bıyl qalaı bilim alatynyn jazǵanbyz.
