Almaty oblysynda jańa áýejaı salyna ma – ákim jaýaby

QONAEV. KAZINFORM – Almaty oblysynyń ákimi Marat Sultanǵazıev óńirde jańa áýejaıdyń qanshalyqty salynýy múmkin ekenin aıtty.

– Áýejaı salý máselesi Bas josparǵa engizilgen. Eger bul jobany júzege asyrýǵa daıyn ınvestor tabylsa, biz talqylaýǵa daıynbyz. Bul maqsatqa arnalǵan jer telimi bar, - dedi ol. 

Sonymen qatar oblys basshysy qazirgi ýaqytta jańa áýe torabyna asa qajetilik joq ekenin atap ótti. 

– Qonaevtan Almaty áýejaıyna deıingi qashyqtyq nebári 45 shaqyrym. Álemdik tájirıbege kóz júgirtsek, kóptegen iri qalalarda áýejaılarǵa deıingi araqashyqtyq osyǵan uqsas. Sondyqtan dál qazir mundaı qajettilik ótkir dep aıta almaımyz. Degenmen, eger ınvestorlar tarapynan bastama bolsa – biz oǵan ashyqpyz, - dedi Marat Sultanǵazıev.

Eske salaıyq, buǵan deıin Shyǵys Qazaqstan oblysy Zaısan aýdanynda jańa áýejaı qurylysynyń jobalyq smetalyq qujattamasy ázirlenip jatqanyn jazǵanbyz.