Almaty oblysynda jalǵan TOYOTA ónimderi tárkilendi
Almaty oblysynda saýda qoımasyn tekserý barysynda jeke kásipker men «A» JShS-niń TOYOTA taýar belgisin (qaptalǵan motor maıyn, AKPP úshin suıyqtyq) zańsyz paıdalaný faktisi anyqtaldy, dep habarlaıdy Kazinform.
Kontrafakti ónimderiniń sany 520 dana (1 736 lıtr). Jalpy somasy 5 675 480 teńgeni qurady.
Bul týraly Ádilet mınıstrliginiń resmı ókili Talǵat Ýálı málimdedi.
Ádilet mınıstrliginiń, Almaty oblysy jáne Almaty qalasy aýmaqtyq ádilet basqarmalary qyzmetkerleri Almaty oblysynyń polıtsııa departamentimen birlesip taýar tańbasy týraly zańnamanyń saqtalýyna tekserý júrgizdi.
Jospardan tys tekserýge TOYOTA kompanııasynyń avtorlyq quqyq ıesiniń ótinishi negiz boldy.
Ádilet organdary kináli tulǵany QR ÁQBtK 158-babyna sáıkes ákimshilik jaýapkershilikke tartý jóninde sheshim qabyldaıdy.
Іs materıaldary Almaty oblysynyń ádilet departamentinde jáne jaqyn arada sotqa jiberiledi.
Eske sala keteıik, Ádilet mınıstrligi — zııatkerlik menshik quqyǵyn qorǵaý jáne qamtamasyz etý salasyndaǵy memlekettik saıasatty iske asyratyn ýákiletti organ.
