Almaty oblysynda «zeınetaqyńdy sheship beremin» dep turǵyndardy aldaǵan alaıaq ustaldy

QONAEV. KAZINFORM – Almaty oblysynda alaıaq áıel ustaldy. Ol Eńbekshiqazaq aýdanyny turǵyndaryn aldap soqqan. 

Almaty oblystyq Polıtsııa departamentinen málim etkendeı, aýdandyq polıtsııa bólimine birneshe aýyl turǵynynan shaǵym túsken.

– Jábirlenýshilerdiń aıtýynsha, 35 jastaǵy áıel senimge kirip, zeınetaqy jınaqtaryn qolma-qol aqshaǵa aınaldyryp beremin degen syltaýmen olardyń iri kólemdegi qarajatyn ıemdenip ketken. Qazirgi tańda keltirilgen jalpy shyǵyn kólemi 1,5 mln teńgeden asady, - dep habarlady vedomstvodan.

Qazir kúdiktiniń 40-tan astam alaıaqtyq deregi anyqtaldy. Jedel-izdestirý is-sharalary nátıjesinde Almaty qalasynyń turǵyny ustaldy. 

– Atalǵan fakti boıynsha sotqa deıingi tergeý amaldary bastaldy. Qazir kúdiktiniń basqa da osyndaı qylmystarǵa qatysy bar-joǵy tekserilip jatyr, - dep atap ótti departamentten.

Buǵan deıin Almaty oblysynda qarjy pıramıdalarynan 12 myń adam zardap shekkeni týraly jazǵan edik. 

Budan bólek, aqtaýlyq 9 adamnyń 70 mln teńgesin jymqyrǵan alaıaqtyń 5 jylǵa sottalǵany týraly jazǵanbyz.