Almaty oblysynda zańsyz qoqys úıindilerin anyqtaý úshin ǵaryshtyq monıtorıng júrgizilip jatyr
ASTANA. KAZINFORM – «Taza Qazaqstan» ulttyq ekologııalyq bastamasy aıasynda Almaty oblysynda zańsyz qaldyqtar úıindilerin anyqtaý jáne joıý boıynsha júıeli jumystar júrip jatyr. Monıtorıngti Ekologııa departamentiniń mamandary jergilikti bılik organdarymen birlesip júrgizedi.
QR Ekologııa jáne tabıǵı resýrstar mınıstrligi baspasóz qyzmetiniń habarlaýynsha, zańsyz qaldyqtar úıindilerin anyqtaýdyń negizgi quraldarynyń biri - ǵaryshtyq monıtorıng, bul problemalyq aımaqtardy ýaqtyly anyqtaýǵa múmkindik beredi.
Ǵaryshtyq monıtorıng nátıjeleri boıynsha bıyl Almaty oblysynda 86 zańsyz qaldyqtar úıindisi anyqtaldy, onyń 79-y joıyldy. Osylaısha, anyqtalǵan oryndardyń shamamen 92%-y búgingi kúnge deıin tazartyldy. Qalǵan qoqys úıindilerinde jumys júrip jatyr.
Sonymen qatar, jer ústi monıtorıngi júrgizilýde. Ekologııa departamentiniń mamandary men aýdan ákimdikteriniń ókilderiniń birlesken dalalyq saparlary taǵy 20 zańsyz qaldyqtar úıindisin anyqtady. Aqparat jergilikti bılik organdaryna jedel jetkizilip, olar tazalaý jumystaryn uıymdastyrdy.
Monıtorıng tek bar qaldyqtar úıindilerin anyqtaýǵa ǵana emes, sonymen qatar olardy alyp tastaýdy baqylaýǵa jáne qaldyqtardy zańsyz tastaýdyń aldyn alý sharalaryn qabyldaýǵa múmkindik beredi.
-Bul saladaǵy jumys «Taza Qazaqstan» baǵdarlamasy aıasynda júrip jatyr. Eldi mekenderdi ýaqtyly tazalaýǵa jáne tazalyqqa jaýapkershilikpen qaraýdy qalyptastyrýǵa erekshe nazar aýdarylǵan,-delingen habarlamada.
Osyǵan deıin Almatyda qaldyqtardy energetıkalyq kádege jaratý jobasy qolǵa alynǵany týraly jazdyq.
