Almaty oblysynda zańsyz qarý men iri kólemde esirtki tárkilendi

QONAEV. KAZINFORM – Qonaev qalasynda oblystyq 43 jastaǵy turǵynnyń úıinen eki kılogramnan astam esirtki quramdas ósimdikter anyqtalyp, tárkilendi.

Qylmys Almaty oblysynyń esirtki qylmysyna qarsy is-qımyl basqarmasy men Ulttyq qaýipsizdik komıteti departamentiniń ókilderi prokýratýranyń úılestirýimen birlesip júrgizgen jedel-izdestirý sharalary barysynda ashyldy.

Kúdiktiniń úıine tintý júrgizilgen bolatyn.

Saraptama bul zattardyń kannabıs ekenin rastady. Sonymen qatar zańsyz saqtalǵan sholaq ańshy myltyǵy tabyldy.

– Esirtki quramdas ósimdikterdi zańsyz ósirý jáne qarý saqtaý faktileri boıynsha qylmystyq is qozǵaldy. Kúdikti ýaqytsha ustaý ızolıatoryna qamaldy, – dep habarlady vedomstvoda.

Eske salaıyq, buǵan deıin Sońǵy eki jylda 1 myńnan astam atys qarýy tárkilengenin jazǵanbyz.