Almaty oblysynda Zamanbek Nurqadilovke arnalǵan eskertkish ashyldy

QONAEV. KAZINFORM - Almaty oblysynyń Kegen aýylynda ornalasqan balalar óner mektebine Zamanbek Nurqadilovtiń esimi berilip, eskertkish ashyldy.

Sondaı-aq aýdan otalyǵynda Almaty oblysy ákimdiginen málim etkendeı, atalǵan shara Memleket basshysy Qasym-Jomart Toqaevtyń tapsyrmasy boıynsha júzege asyryldy.

Saltanatty sharaǵa memleket jáne qoǵam qaıratkerleri, aqyn-jazýshylar, tanymal tulǵalar men qaıratkerdiń uly Qaırat Nurqadilov qatysty.

- Bul eskertkish – halqymyzdyń qaıratkerge degen shynaıy qurmetiniń belgisi. Ult janashyry retinde Zamanbek Nurqadilov el egemendiginiń nyǵaıýyna eleýli úles qosty. Osyndaı tulǵalardyń eńbegin urpaqqa mura etý – bizdiń ortaq paryzymyz. Sondaı-aq, bıiktigi 4,5 metr bolatyn bul týyndynyń avtorlary Aıdos Búrkitbaev pen Tımýr Nurmuhametovke alǵysymyzdy bildiremiz, - dedi Almaty oblysy ákiminiń orynbasary Nurjan Qudaıbergenov.

Shara barysynda jınalǵandarǵa Zamanbek Nurqadilovtiń ómiri men qyzmeti týraly «Ne tolko o sebe» atty kitaby taratyldy.

Kegendegi balalar óner mektebi 2015 jyly qurylǵan. Munda balalarǵa dombyra, qobyz, baıan, dástúrli án, estrada-vokal, horeografııa, beıneleý, músin jáne sándik-qoldanbaly óner baǵyttary boıynsha bilim beredi. Qazir mektepte 44 pedagog 890 oqýshyǵa bilim alyp jatyr.