Almaty oblysynda zamanaýı Mádenıet úıi ashylady

Qarasaı aýdany ákimdiginiń málimetinshe, Jibek joly aýylyndaǵy 200 oryndyq Mádenıet úıiniń qurylysy – Qarasaı aýdanynda mádenı ınfraqurylymdy damytýǵa baǵyttalǵan mańyzdy áleýmettik jobalardyń biri.

- Jobanyń negizgi maqsaty – aýyl turǵyndarynyń mádenı ómirge belsendi qatysýyna jaǵdaı jasaý, ulttyq óner men dástúrdi dáripteý, balalar men jastardyń shyǵarmashylyq qabiletin damytý jáne turǵyndardyń bos ýaqytyn tıimdi uıymdastyrý, - dep habarlady aýdan ákimdiginen.

Mádenıet úıiniń qurylysy 2025 jyldyń 24 aqpanynda bastalǵan. Qazir nysannyń qurylys-montaj jumystary tolyq aıaqtalyp, paıdalanýǵa berý rásimderi júrgizilip jatyr. Jobanyń jalpy kelisimsharttyq quny - 658 mln teńge.

Jańa mádenıet úıinde 200 oryndyq kórermender zaly, sahna jáne sahna artyndaǵy tehnıkalyq bólmeler, shyǵarmashylyq úıirmelerge arnalǵan kabınetter, vokal jáne mýzykalyq daıyndyq bólmeleri, horeografııa zaly, beıneleý jáne qolóner kabınetteri jáne basqa da tehnıkalyq qyzmet kórsetý bólmeleri qarastyrylǵan.

Nysan paıdalanýǵa berilgennen keıin onda dombyra úıirmesi, jyr-terme úıirmesi, aqyndar ortalyǵy, vokal, horeografııa, beıneleý óneri, qolóner jáne shahmat úıirmeleri ashylady.

Eske salaıyq, buǵan deıin Almaty oblysynda jańartylǵan temirjol stansasy paıdalanýǵa berildi.