Almaty oblysynda VICh juqtyrǵan 9 jastaǵy bala qaıtys boldy
ALMATY. KAZINFORM – Almaty oblysynda VICh ınfektsııasyn juqtyrǵan bala komaǵa túsip, aýrýhanada kóz jumdy.
Almaty oblystyq Densaýlyq saqtaý basqarmasynyń málimetinshe, 9 qańtar kúni toǵyz jastaǵy bala densaýlyǵynyń kúrt nasharlaýyna baılanysty Almatydaǵy №2 qalalyq balalar aýrýhanasyna túsken. Balany aýrýhanaǵa qabyldaý kezinde ata-anasy AITV ınfektsııasyn juqtyrǵanyn jasyrǵan. Bala komaǵa túsken. 24 qańtarda oqýshyny Qarasaı aýdandyq aýrýhanasyna aýystyrǵan.
«27 qańtarda bala sepsıs pen pnevmonııadan, ıaǵnı AITV-men baılanysty aýrýlardan qaıtys boldy», - dep habarlady oblystyq Densaýlyq saqtaý basqarmasynan.
Belgili bolǵandaı, bul otbasynda qaıtys bolǵan baladan bólek, anasy men ákesi de AIVT juqtyrǵan. Erli-zaıyptylarǵa dıagnoz 2016 jyly qoıylǵan. Sonymen qatar 2018 jyly atalǵan otbasynda qyz bala dúnıege keldi.
«Ekinshi bala men anasy 26 qańtardan bastap ambýlatorııalyq negizde vırýsqa qarsy em qabyldaýǵa kiristi», - dep atap ótti Almaty oblystyq Densaýlyq saqtaý basqarmasynan.
