Almaty oblysynda úsh sýdıa para aldy degen kúdikke ilindi

Kisi óltirýden habarlamaýǵa deıingi áreketterdi qaıta saralaý máselesin sheshý syltaýymen iri mólsherde alaıaqtyq jolmen aqsha aldy dep kúdikke ilingen Almaty oblysy Qonaev qalasy sotynyń tóraǵasyna qatysty qylmystyq is tergelip jatyr, dep habarlaıdy Kazinform.

Basqa jaǵdaıda, Almaty oblysy Talǵar aýdandyq sotynyń sýdıasy aıtarlyqtaı mólsherde para aldy dep aıyptalyp otyr. 

Ol sot oryndaýshysy arqyly kámeletke tolmaǵandardyń jynystyq tıispeýshiligine qarsy asa aýyr qylmys jasaǵan adamǵa medıtsınalyq sıpattaǵy májbúrleý sharalarynyń túrin ózgertý týraly oń sheshim shyǵarǵany úshin aqshalaı syıaqy alǵan.

Sondaı-aq, Almaty oblysy mamandandyrylǵan aýdanaralyq ekonomıkalyq sotynyń sýdıasyna qatysty qylmystyq is qaralyp jatyr.

Ol kásipkerden mıllıardtaǵan salyq bereshegi bar eki kompanııany bankrot dep taný týraly zańsyz sheshim shyǵarǵany úshin para aldy dep aıyptalýda.

Qylmystyq-protsestik kodeksiniń 201-babyna sáıkes ózge aqparat jarııalanbaıdy.