Almaty oblysynda úsh aptanyń ishinde jol apatynan 10 adam qaza tapty

QONAEV. KAZINFORM — Jyl basynan beri Almaty oblysynda jol apatynan 125 adam zardap shegip, 10 turǵyn qaza tapty.

— Jol-kólik oqıǵalarynyń negizgi sebepteri — júrgizýshiler men jaıaý júrginshilerdiń jol qozǵalysy erejelerin buzýy. 2025 jyldyń basynan beri oblys aýmaǵynda 73 jol apaty tirkeldi, — dep habarlady Almaty oblysy polıtsııa departamentinen.

Sonyń saldarynan 125 adam túrli dene jaraqatyn alsa, 10 adam kóz jumdy.

— Mundaı jaǵdaılardyń aldyn alý úshin polıtsııa qyzmetkerleri jol qozǵalysyna qatysýshylarmen kúndelikti profılaktıkalyq áńgimeler ótkizip, joldarda erejelerdi saqtaý jáne saqtyqty arttyrý qajettigin eske salady. Qolaısyz aýa raıynda apattardyń sanyn azaıtý jáne jol qozǵalysynyń barlyq qatysýshysynyń qaýipsizdigin qamtamasyz etý úshin táýekeli joǵary ýchaskelerde patrýldeý kúsheıtiledi, — dep atap ótti vedomstvodan.

Osyǵan deıin Almaty-Bishkek avtojolynda adam ólimine ákelgen jol apaty týraly jazǵan bolatynbyz.