Almaty oblysynda un zaýytynda jarylys boldy, zardap shekkender bar

QONAEV. KAZINFORM – Shamalǵan stantsııasynyń mańynda ornalasqan un óndiretin zaýytta jarylys boldy.

Almaty oblystyq Tótenshe jaǵdaılar departamentiniń málimetinshe, 23 mamyr kúni Qarasaı aýdanyna qarasty Jibek joly aýylynda ornalasqan un ónimderin shyǵaratyn zaýyt aýmaǵynda jarylys bolyp, órt shyqty.

– Oqıǵa ornyna dereý Almaty oblysy Tótenshe jaǵdaılar departamentiniń kúshteri men quraldary jiberildi. Shuǵyl shtab qurylyp, órt tolyq sóndirildi. Qyzyl jalyn 1377 sharshy metr aýmaqty sharpydy. Órtten tórt adam zardap shekti. Olar Qarasaı klınıkalyq kópsalaly ortalyq aýdandyq aýrýhanasynyń jansaqtaý bólimine jatqyzyldy, – dep habarlady vedomstvodan.

Departament mamandary astyq qaldyqtarynyń shań-tozańy jaralysqa sebep bolýy múmkin ekenin málimdedi.

«AzııaAgroFýd» basshysy Saıan Áshenov tótenshe jaǵdaı saldarynan kompanııa qyzmetkerleri zardap shekkenin atap ótti.

Osyǵan deıin Almaty oblysynda patrýldik polıtseı janarmaı beketindegi jarylystyń aldyn alǵany týraly jazǵan edik.