Almaty oblysynda «Tuıyq» shahtasynyń jumysy toqtatyldy
QONAEV. KAZONFORM – Almaty oblysynyń prokýratýrasy Kegen aýdanyndaǵy «Tuıyq» qorǵasyn ken ornynda ónerkásiptik qaýipsizdik normalaryn buzý derekterin anyqtady.
Almaty oblysy prokýratýrasynyń málimetinshe, tekserý barysynda shahta bekinisteriniń deformatsııasy men zaqymdanýyn, shatyr men borttar boıynsha taý massasynyń bólikteriniń qatyp qalýy, sondaı-aq jobalaý qujattamasynan aýytqý jáne bekitý materıalynyń pasporttarynyń jáne ózge de oryndaýshylyq qujattamanyń bolmaýy anyqtaldy.
«Anyqtalǵan buzýshylyqtar 25 kenshiniń ómiri men densaýlyǵyna qaıtymsyz áser etýi múmkin jáne naqty qulaý qaýpin týdyrdy. Osyǵan baılanysty, prokýratýranyń úılestirýimen ónerkásiptik qaýipsizdik departamentimen jer qoınaýyn paıdalanýshyǵa qatysty ÁQBtK-niń 298-babymen (jumystardy qaýipsiz júrgizý jónindegi qaǵıdalardy buzý) ákimshilik is qozǵalyp, anyqtalǵan buzýshylyqtardy joıý týraly nusqama berildi», - delingen habarlamada.
Sonymen qatar mamandandyrylǵan aýdanaralyq ekonomıkalyq sotynyń sheshimimen shahtanyń qyzmeti anyqtalǵan buzýshylyqtar joıylǵanǵa deıin toqtatyldy.
