Almaty oblysynda tutynýshylarǵa 44 mln teńge qaıtaryldy
QONAEV. KAZINFORM – Almaty oblysynda saýda jáne tutynýshylardyń quqyqtaryn qorǵaý departamentine júginetin adamdar sany artqan.
Departament bas mamany Qýantqan Dıdarovtyń aıtýynsha, 2025 jyly saýda zańnamasyn buzǵan 62 kásipker ákimshilik jaýapkershilikke tartylǵan. Bıyl 160 saýda nysanyna qatysty 585 ákimshilik hattama toltyrylyp, jalpy kólemi 3 mln teńgege jýyq aıyppul taǵaıyndalǵan.
Sonymen qatar 2025 jyly departamentke azamattardan 547 ótinish tússe, 2026 jyldyń basynan beri 1700 ótinish qaralǵan. ıAǵnı, óńir turǵyndarynyń shaǵymy birneshe ese kóbeıgen. Olardyń basym bóligi bólshek saýda, elektrondyq saýda, bilim berý jáne turmystyq qyzmet kórsetý salalaryna qatysty.
- Tutynýshylarǵa keltirilgen shyǵyndardy óteý úshin bıyl azamattarǵa 44 mln teńge qarajat qaıtaryldy. Tutynýshylardyń quqyqtaryn qorǵaý salasynda 52 saýda sýbektisine jospardan tys tekserý júrgizilip, zań buzǵan 49 nysanǵa 1,4 mln teńgeden astam aıyppul salyndy, - dedi Qýantqan Dıdarov.
Eske salaıyq, buǵan deıin Astana prokýratýrasy ınvestordyń quqyǵyn qorǵap, 20 mln dollarlyq jobany iske qosty.
