Almaty oblysynda turǵyndar óz qarajatyna salǵan joldy qazyp tastaǵan mekemege shaǵymdandy

QONAEV. KAZINFORM — Almaty oblysynyń turǵyny áleýmettik jelide aýyldaǵy joldyń jaǵdaıyna shaǵymyn bildirdi.

Almaty oblysynda turǵyndar óz qarajatyna salǵan joldy qazyp tastaǵan mekemege shaǵymdandy
Foto: Qarasaı aýdany ákimdigi

Jeli qoldanýshysynyń jazýynsha, Qarasaı aýdany, Kemertoǵan aýylynda turǵyndar aqsha jınap, ózderi jolǵa asfalt tósegen. Biraq sý júrgizý maqsatynda ony «Qarasaı sý» mekemesi qazyp, jumystardy júrgizgennen keıin qalpyna keltirmegen.

— Erteń myna mı batpaq qatyp, muzǵa aınalsa, kóshemen júrý múlde múmkin bolmaı qalady. Balalar mektepke qalaı barady? Jedel járdem qalaı kiredi? Halyqtyń mańdaı terimen salynǵan joldyń suraýy kimde? — dep jazdy turǵyn.

Atalǵan jaǵdaıǵa Qarasaı aýdanynyń ákimdigi túsinikteme berdi. Resmı jaýapqa sáıkes, turǵyndar shaǵym bildirgen joldar qalpyna keltiriledi.

Almaty oblysynda turǵyndar óz qarajatyna salǵan joldy qazyp tastaǵan mekemege shaǵymdandy
Foto: Qarasaı aýdany ákimdigi

— Qazir Іrgeli aýyldyq okrýgine qarasty Kemertoǵan aýylynda aýyz sý qubyrlaryn tartý jumystary júrgizilgennen keıin jol jabynyn qalpyna keltirý jumystary júrgizilip jatyr. Bul joldyń júrýge qolaılylyǵyn qamtamasyz etýge jáne kólik qozǵalysynyń qaýipsizdigin arttyrýǵa baǵyttalǵan, — dep habarlady aýdan ákimdiginen.

Atalǵan jumystar aıasynda merdiger uıym «Baısyn-A» JShS 18 qarashada 3 júk kóligimen qum-qıyrshyq tas qospasyn jetkizip, jolǵa tóselgen. Al 19 qarashada joldy qalpyna keltirý jumystary jalǵasyn taýyp, qosymsha 4–5 júk kóligi kóleminde qum-qıyrshyq tas qospasyn jetkizilgen.

Eske salaıyq, ShQO-da jańa jylý qubyrlary aýyldyq okrýg ákiminiń ákesiniń úıine tartylǵan.