Almaty oblysynda turǵyndar kóshege shyǵý úshin gaz qubyryn attap ótýge májbúr
QONAEV. KAZINFORM — Almaty oblysy Іle aýdany Ardager-Veteran eldi mekeninde gaz qubyry úı qaqpalaryn jaýyp tur. Bul adamdardyń kóshege shyǵýyna kedergi keltiredi.
Turǵyndar úıden shyqqanda gaz qubyryn attap ótýge májbúr. Bul jaǵdaıdyń beınejazbasy áleýmettik jelilerde tarady. Oǵan «QazaqGaz Aimaq» AQ Almaty óndiristik fılıaly túsinikteme berdi.
Resmı jaýapqa sáıkes, Almaty oblysy Ardager-Veteran aýylynda uzyndyǵy 130 metr bolatyn jerústi gaz qubyryn 2011 jyly «ADF Stroı» JShS salǵan. Biraq qurylys júrgen ýaqytta bul mekenjaılarda turǵyn úıler bolmaǵan. Al 2013 jyldyń 4 mamyrynda atalǵan gaz qubyry «QazaqGaz Aimaq» AQ Almaty óndiristik fılıalynyń teńgerimine berilgen.
— «ADF Stroı» JShS gaz qubyryn salǵan kezde bul aýmaqta turǵyn úıler bolmaǵan, jer telimi ıgerilmegen edi. Keıinnen atalǵan aýmaqta turǵyn úıler salynyp, sonyń saldarynan qoldanystaǵy jerústi gaz qubyry qazirgi úılerdiń qaqpasynyń aldynan ótedi, — delingen jaýapta.
Sondaı-aq «QazaqGaz Aimaq» AQ halyqtyń ótinishterin eskere otyryp óz qarajaty esebinen gaz qubyrynyń osy ýchaskesin qaıta montajdaý týraly sheshim qabyldaǵanyn habarlady.
— Jumystar barlyq qajetti tehnıkalyq talaptar men qaýipsizdik talaptaryn saqtaı otyryp júrgiziledi. Kompanııanyń basty mindeti — turǵyndar úshin týyndaǵan qolaısyzdyqty joıý, sonymen birge 24/7 rejıminde senimdi ári qaýipsiz gaz berýdi qamtamasyz etý, — dep habarlady kompanııa.
Eske salaıyq, buǵan deıin Astanada gaz jelilerine qosylý onlaın formatqa kóshkenin jazǵanbyz.
