Almaty oblysynda turǵyn úıde gaz jarylyp, 1 adam mert boldy
QONAEV. KAZINFORM — Keshe Almaty oblysy Qarasaı aýdany Jalpaqsaı aýylynda eki qabatty turǵyn úıde gaz-aýa qospasy jaryldy. Oqıǵa ornyna joǵary dárejemen oblystyq TJD kúshteri men quraldary dereý barǵan.
Shaqyrtý ornyna kelgen qutqarýshylar jarylystan keıin úıdiń shatyry qulap, qabyrǵalary qıraǵany anyqtady. Sondaı-aq, úıindiler arasynan 1957 jylǵy azamattyń denesi tabyldy. Turǵyn úıdiń ózge turǵyndar zardap shekken joq.
— Almaty oblysynyń TJD azamattardy gaz jabdyqtaryn paıdalaný kezinde qaýipsizdik erejelerin saqtaýǵa shaqyrady, — dep habarlady oblystyq TJD baspasóz qyzmeti.
Eske salaıyq, buǵan deıin Almaty oblysynda bıyl 505 órt oqıǵasy bolyp, 13 adam qaıtys bolǵanyn jazǵanbyz.
Keshe Almatyda Baraholka bazarynan taǵy da órt shyqty.
