Almaty oblysynda turǵyn úı aýlasynda eki balany qaǵyp ketken júrgizýshi jazalandy
QONAEV. KAZINFORM — Almaty oblysynda jeńil kólik eki balany qaǵyp ketti.
Oqıǵa 4 qyrkúıek saǵat 18:20 shamasynda Talǵar aýdany Besaǵash aýylyndaǵy «Nurııa» turǵyn úı kesheniniń aýmaǵynda bolǵan. Onyń beınejazbasy áleýmettik jelide tarady.
Almaty oblysynyń polıtsııa departamentiniń málimetinshe, oqıǵa saldarynan balalar túrli dene jaraqattaryn alyp, qajetti medıtsınalyq kómek kórsetý úshin medıtsınalyq mekemege jetkizilgen. Júrgizýshiniń jeke basy anyqtaldy.
— Kámeletke tolmaǵan eki jaıaý júrginshini qaǵyp ketken 25 jastaǵy Chevrolet Cobalt avtokóliginiń júrgizýshisi jaýapkershilikke tartyldy. Polıtsııa júrgizýshilerdi jol qozǵalysy erejelerin, ásirese balalar júretin turǵyn úı aýmaqtarynda, qatań saqtaýǵa shaqyrady, — dep habarlady departamentten.
Eske salaıyq, buǵan deıin Almaty turǵyndary bir táýlikte 1 500-den astam ret jol erejesin buzǵanyn jazǵanbyz.
