Almaty oblysynda turǵyn úı aýlasynan jylandar tabyldy
QONAEV. KAZINFORM – Almaty oblysynyń Talǵar aýdanyna qarasty Eńbekshi aýylynda jeke turǵyn úı aýlasynan eki jylan tabylyp, qaýipsiz jerge shyǵaryldy. Bul týraly óńirdegi tótenshe jaǵdaılar departamenti habarlady.
Departamenttiń málimetinshe, «112» pýltine jylandardyń júrgeni týraly habarlama túskennen keıin, oqıǵa ornyna Qonaev qalasynyń jedel-qutqarý jasaǵy dereý jiberilgen.
- Qutqarýshylar arnaıy qural-jabdyqtardy paıdalanyp, qaýipsizdik sharalaryn saqtaı otyryp, eki jylandy ustaǵan. Baýyrymen jorǵalaýshylar adam ómirine qaýip tóndirmeıtindeı, tabıǵı ortaǵa shyǵaryldy, - delingen aqparatta.
Tótenshe jaǵdaılar mınıstrligi turǵyndardy jaz mezgilinde jylan men ózge de baýyrymen jorǵalaýshylardyń belsendiligi artatyny jóninde eskertip, mynadaı saqtyq sharalaryn saqtaý qajettigin eskertti:
-
Aýla men úı aınalasyn qoqys pen shóp-shalamnan tazalap otyrý;
-
Qorshaý men dýaldardyń bútindigin tekserý;
-
Jylan kórgen jaǵdaıda ony óz betimen ustaýǵa tyryspaý;
-
Dereý «112» qyzmetine habarlasý.
Mamandardyń aıtýynsha, mundaı jaǵdaılarda turǵyndardyń durys áreket etýi — qaýiptiń aldyn alýdyń basty kepili.
Aıta keteıik, mamyr aıynda da Almaty oblysynda qutqarýshylar aýlaǵa kirip ketken jylandardy ustaǵan.