Almaty oblysynda tikeleı efırde boqtyq sózder aıtqan áıel jazalandy
QONAEV.KAZINFORM — Almaty oblysynda tikeleı efır barysynda boqtyq sózder aıtqan áıel jazaǵa tartyldy
Polıtsııanyń áleýmettik jelilerge júrgizilgen monıtorıng barysynda áıel adamnyń tikeleı efır kezinde balaǵat sózder aıtqan beınejazbasy anyqtaldy.
Ol Іle aýdanynyń 42 jastaǵy turǵyny Janar Saltýmbaeva bolyp shyqty. Oǵan qatysty ákimshilik quqyq buzýshylyq týraly is qozǵaldy.
Sot qaýlysymen quqyq buzýshyǵa 20 AEK nemese 86 500 teńge aıyppul salyndy.
— Polıtsııa qoǵamdyq oryndarda balaǵat sózder aıtý jáne qoǵamdyq tártipti buzý zańda kózdelgen jaýapkershilikke ákep soǵatynyn eskertedi. Qoǵamdyq tártipti saqtaý jáne aınaladaǵylarǵa qurmetpen qaraý — árbir azamattyń mindet, — dep málimdedi Almaty oblystyq polıtsııasy.
Eske salsaq, Almatyda áleýmettik jelide balaǵat sóz aıtqan birneshe bloger jazalandy.
