Almaty oblysynda tyıym salynǵan «Hızb ýt-Tahrır» uıymynyń jasyryn toby anyqtaldy
QONAEV. KAZINFORM — Almaty oblysynyń Eńbekshiqazaq aýdanyndaǵy Shelek aýylynda tyıym salynǵan «Hızb ýt-Tahrır» uıymyna qatysy barlar ustaldy.
Almaty oblystyq Din ister basqarmasynyń málimetinshe, tyıym salynǵan uıymnyń quramyna 25 jergilikti turǵyn kirgen.
Polıtsııa qyzmetkerleri kúdiktilerdiń úılerin tintip shyqty.
Olardan tárkilengen zattar:
- 11 smartfon;
- 93 kitap;
- 16 broshıýra;
- eki dápter;
- dinı jazbalar jazylǵan bloknot.
Qazir tárkilengen kitaptar men elektrondyq materıaldar tekserilip jatyr. Árbir adamnyń tyıym salynǵan uıymnyń qyzmetine qatysý dárejesi de anyqtalmaq.
Sotqa deıingi tergeý bastaldy. Quqyq qorǵaý organdary oqıǵanyń barlyq mán-jaılaryn tekserip jatyr. Osy qorytyndylar negizinde qatysýshylardyń áreketteri tıisinshe baǵalanady.
Eske salaıyq, Almatyda 120 dinı nysan jumys isteıtini habarlandy.
