Almaty oblysynda temirjol ótkeli jabyldy
QONAEV. KAZINFORM — 1 naýryzdan bastap Shamalǵan stansasy mańynda qozǵalys ózgeredi.
«QazAvtoJol» UK baspasóz qyzmetinen málim etkendeı, osy jyldyń 1 naýryzynan bastap Almaty oblysy, Qarasaı aýdany, Jibek joly eldimekeni arqyly ótetin temirjol ótkeli jabylady.
— Kólik quraldarynyń úzdiksiz qozǵalysyn qamtamasyz etý maqsatynda barlyq qaýipsizdik talaptaryna sáıkes keletin jańa aınalma jol uıymdastyryldy. Barlyq qajetti jol belgileri men qozǵalysty retteıtin quraldar ornatyldy,— dep habarlady kompanııadan.
Eske sala ketsek, 2019 jyldyń qyrkúıek aıynda Shamalǵan stansasynda poıyz ben avtobýs soqtyǵysyp, jol apaty boldy. Jolaýshylar avtobýsy relske shyǵyp ketken. Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bólimine jatqyzylǵan edi.
Qaıǵyly oqıǵadan soń Memleket basshysy Qasym-Jomart Toqaev japa shekkenderdiń týǵan-týystaryna kóńil aıtty.
Artynsha Almaty oblysy Shamalǵan stansasynda temirjol ústinen ótetin kópir salyndy.
Keıin atalǵan derek boıynsha temirjolshy jaýapqa tartyldy. Sot ony 3 jyl 6 aıǵa shartty túrde bas bostandyǵynan aıyrdy.