Almaty oblysynda taýǵa shyqqan úsh týrıst qarańǵyda tómen túse almaı kómek surady
ASTANA. KAZINFORM - Almaty oblysynyń Qarasaı aýdanynda, Bogdanovıch muzdyǵy mańynda, 3300 metr bıiktikte úsh týrıst qutqarýshylardyń kómegine júgindi, dep habarlaıdy QR Tótenshe jaǵdaılar mınıstrliginiń baspasóz qyzmeti.
Túsý kezinde týrısterdiń biri muzdy ýchaskede taıyp qulap, denesiniń birneshe jerin syryp alǵan. Qalǵan eki týrıst kúrdeli jer bederine baılanysty tómen qaraı qozǵalysyn jalǵastyra almaı, qarańǵy túsken soń kómek suraǵan.
-Monıtorıng jáne jedel áreket etý ortalyǵynyń qutqarýshylary týrısterdi anyqtap, úsheýin de qaýipsiz túrde «Medeý» ShKK avtoturaǵyna deıin alyp tústi. Zardap shekken týrıstke alǵashqy medıtsınalyq kómek kórsetilip, keıin TJM Apattar medıtsınasy ortalyǵynyń brıgadasymen Almaty qalasyndaǵy aýrýhanaǵa jetkizildi. Qalǵan eki týrıst medıtsınalyq kómekti qajet etpedi,-delingen habarlamada.
Osyǵan deıin taýǵa shyǵarda marshrýttardy kimge jáne qalaı tirkeý qajettigi týraly jazdyq.
