Almaty oblysynda taýǵa shyqqan 11 jasóspirim adasyp ketti
QONAEV. KAZINFORM – Almaty oblysynyń taýlarynda adasyp ketken 11 jasóspirimge respýblıkalyq jedel-qutqarý jasaǵynyń qyzmetkerleri kómektesti.
TJM málimetinshe, tańerteń jasósipirimder qar aralas jańbyrǵa qaramastan taýǵa shyqqan. Olardy qutqarýshylar Týrıst shyńynan (3954 m) tapty.
«Respýblıkalyq jedel-qutqarý jasaǵynyń qyzmetkerleri kınologııalyq qyzmetpen birlesip taýǵa shyǵyp, toptyń bes múshesin tapty. Qulaǵan tastan jaraqat alǵan jasóspirimge dárigerge deıingi kómek kórsetkennen keıin qutqarýshylar týrısterdi tómen túsirip, ári qaraı tekserý úshin medıtsına jáne apattar ortalyǵynyń mamandaryna tapsyrdy. Biraz ýaqyttan keıin qalǵan jasóspirim tabaldy. Bári aman-esen»,- delingen habarlamada.
Buǵan deıin Almaty oblysynyń taýlarynda adasyp ketken ýkraınalyqtar qutqarylǵan bolatyn.
