Almaty oblysynda tárkilenip, aıyp turaǵynda turǵan kólik tonalǵan

ALMATY. KAZINFORM — Memleket paıdasyna óndirilýi tıis, tárkilengen Volvo júk kóligi tonalyp, Mercedes avtokóligin tyǵyp qoıǵan. Bul týraly oblystyq prokýratýra málim etti.

Almaty oblysy prokýratýrasy júrgizgen tekserý nátıjesinde tárkilenip, aıyp turaǵynda turǵan múlikterdiń tonalǵany anyqtalǵan.

— Quny 100 mln teńgeden astam turatyn «Volvo FH» markaly júk kóligi ákimshilik is boıynsha tárkilenip, memleket kirisine óndirilýi kerek bolǵan. Alaıda aıyp turaǵynda turǵan jerinen júk kóligi bólshektelip, urlanǵan. Sonymen qatar, tárkilenýge jatatyn basqa da múlikti jasyrý faktisi ashyldy, — delingen habarlamada.

Qylmystyq is aıasynda quny 8 mln teńge bolatyn «Mercedes E350» markaly kólik kúdiktiniń ákesine saqtaýǵa berilgen. Keıinnen sot bul kólikti memleket paıdasyna óndirý týraly sheshim shyǵarǵan. Biraq sottyń sheshimine qaramastan, kúdiktiniń ákesi saqtaý mindetin oryndaýdan bas tartyp, kólikti tyǵyp qoıǵan.

Anyqtalǵan quqyq buzýshylyqtar týraly sotqa deıingi tergeý organdaryna túpkilikti sheshim qabyldaý úshin qujattar joldandy. 

Eske sala keteıik, buǵan deıin ShQO-da ınvestorǵa jer zańsyz berilmeı kelgenin jazǵan edik.