Almaty oblysynda Talǵar qalasynyń shekarasy ózgeredi

QONAEV. KAZINFORM – Almaty oblysynda Talǵar qalasynyń shekarasy ózgeredi. Qujat jobasy «Ashyq NQA» portalynda jarııalandy.

Talǵar aýdandyq máslıhat pen ákimdiktiń birlesken usynysy negizinde Almaty oblystyq máslıhaty Talǵar qalasynyń shekarasyn ózgertý týraly sheshim qabyldady.

«Talǵar qalasynyń shekarasy (shegi), onyń shegine jalpy aýdany 853,1245 gektar Keńdala jáne Alataý aýyldyq okrýgteriniń keıbir jerlerin qosa otyryp ózgertilsin. Osy birlesken Almaty oblystyq máslıhaty sheshiminiń jáne Almaty oblysynyń ákimdigi qaýlysynyń oryndalýyn baqylaý Almaty oblysy ákiminiń jetekshilik etetin orynbasaryna júktelsin», - delingen qujatta.

Buǵan deıin Talǵar qalasynyń bas jospary bekitilgen bolatyn. Oǵan sáıkes aýdannyń ulǵaıýyna baılanysty Talǵar qalasy, Keńdala jáne Aqdala aýyldarynyń aýmaǵy qysqardy.

«Normatıvtik quqyqtyq aktige sáıkes Aqdala aýylynyń shekarasy 29,9947 gektarǵa qysqaryp, Aqdala aýylynyń jańa shekarasy belgilendi, jalpy aýdany – 705,433 gektar», - delingen qujatta

Qujat 3 sáýirge deıin Ashyq NQA saıtynda talqylanady.