Almaty oblysynda sý qubyry jarylyp, jol opyrylyp ketti
QONAEV. KAZINFORM — Almaty oblysy Qarasaı aýdanynda asfalt opyryldy.
Áleýmettik jelide zaqymdanǵan joldyń beınejazbasy tarady.
Bul jaǵdaıǵa qatysty Qarasaı aýdanynyń ákimdigi túsinikteme berdi. Resmı málimetke sáıkes, 25 tamyz saǵat 04:00 shamasynda Qaırat aýylyndaǵy joǵarǵy Qaskeleń tasjolyna qosylatyn Qyzyljar kóshesiniń burylysynda sý qubyry jarylyp, saldarynan jol tósemi zaqymdanǵan.
— Qyzyljar kóshesimen júrý ýaqytsha jabyldy. Qaskeleń respýblıkalyq avtojolynda qozǵalysqa shekteý qoıylmaǵan, kólik qatynasy Jandosov aýyly tarapynan júrip jatyr. Saǵat 09:00–de «SK Starveı» merdiger uıymynyń kúshimen jóndeý-qalpyna keltirý jumystary bastaldy, — dep habarlady ákimdikten.
Oqıǵa ornynda 2 arnaıy tehnıka men 4 jumysshy jumyldyrylǵan. Aýdan ákimdigi jaǵdaı baqylaýda ekenin atap ótti.
Eske salaıyq, buǵan deıin Almaty mańyndaǵy karerde topyraq opyryldy.
