Almaty oblysynda sýdyń tasýy toqtatyldy — QazAvtoJol

QONAEV. KAZINFORM — Almaty oblysy Uzynaǵash aýylynda sý tasqyny boldy.

Buǵan deıin 08:25 shamasynda Uzynaǵash aýylynda súzgi alqaptarynyń qorǵanys bógeti buzylyp, saldarynan 30 turǵyn úıdiń aýlasy sý astynda qalǵanyn jazǵanbyz. 

«QazAvtoJol» AQ málimetinshe, saǵat 13:30–da sýdyń tasýy toqtatylyp, qozǵalys tolyq qalpyna keltirilgen. Joldyń buzylý qaýpi joq.

— Sý tasqynynyń eni 100 metr, bıiktigi 5 sm boldy. Sýdy burý úshin jedel túrde aryq júıesi jasalyp, aǵyn ózenge baǵyttaldy. Jol qyzmeti jol jıegin nyǵaıtý jáne joldy tazartý jumystaryn júrgizdi. Atalmysh sharaǵa 10 adam jáne 5 tehnıka jumyldyryldy, — dep habarlady «QazAvtoJol».

Eske salaıyq, buǵan deıin sý tasqynynyń saldaryn joıý úshin 10 000-ǵa jýyq áskerı qyzmetshi jumyldyrylýy múmkin ekenin jazǵanbyz.